GIPAMULTA ang guard sa San Antonio Spurs nga si DeMar DeRozan og $25,000 sa NBA tungod sa iyang pagpasa sa bola ngadto sa official ug sa stands atol sa playoff game batok sa Denver Nuggets.

Ang multa gipakanaog kagahapon sa ni NBA discipline executive Kiki VanDeWeghe.

Ang insidente nahitabo mga singko minutos ang nahabilin sa duwa niadtong Sabado diin napildi ang Spurs 117-103 nga nagtabla sa series.

Natawagan si DeRozan og offensive foul batok ni Gary Harris sa Denver ug giitsa niini ang bolat ngadto sa referee.

Samtang gisuspenso usab ang General Manager sa Brooklyn Nets nga si Sean Marks og usa ka duwa ug gipamulta kinig $25,000.

Kini tungod sa pagsulod niini sa locker room sa mga referees human sa ilang kapildihan sa Philadelphia sa Game Four sa Eastern playoff series. (JBM)