GIANGKON sa mga opisyal sa Meralco Bolts nga mipirma na og kontrata sa Brgy. Ginebra Gin Kings ang usa sa ilang mga sakop nga si Jared Dillinger ug ilang gipadayag nga nasagmuyo sila niini.

Nagkanayon si Meralco team manager Paolo Trillo nga wala nagpahibalo kanila si Dillinger nga mipirma kini og kontrata sa Ginebra dihang ilaha kining gibutang sa listahan unrestricted free agent.

Gipasabot ni Trillo nga aduna’y ‘gentlemen’s agrrement’ tali sa Meralco ug ni Dillinger nga dili mobalhin si Dillinger sa laing team bisan ilaha una kining ibutang sa unrestricted free agent (UFA) aron paghatag og luna sa bag-o nilang kaplag nga si Raymond Almazan.

Si Dillinger gibanabanang duha pa ka mga buwan una kini makaduwa’g balik gumikan kay nagpaalim pa kini sa iyang angol.

“Before the start of the conference, nag-usap kami. Since we acquired Raymond Almazan who was injured, si Almazan ang protected. But we had a gentlemen’s agreement and we told him even if he is at UFA, he will stay. Ang usapan namin, he is supposed to stay with us,” pasabot ni Trillo sa Spin.ph.

Matod ni Trillo nga nakugang na lang siya dihang iyang nasayran sa PBA memo nga mipirma na’g kontrata ang 35 anyos nga magduduwa sa Gin Kings.

“Nalaman na lang namin na he chose to sign with Ginebra without talking to us, conferring with us. Medyo disappointing lang kasi all these years, we supported him,” dugang ni Trillo.

“We have a relationship with him that obviously he didn’t value. We had an agreement that he will stay. If there was at least a team that is interested in him, he will let us know and give us the option to match or whatever.”

Si Dillinger sulod sab sa unom ka mga tuig nga nagduwa sa Bolts. (ESL)