Naa sa radar ni kanhi 4-division world champion Nonito “Filipino Flash” Donaire Jr. ang pagpakig-away og balik kang Cuban Guillermo Rigondeaux.

Kon madayon man gani kining maong away, gusto ni Donaire nga kombatihon kini sa bantamweight division (118 lbs) nga maoy iyang haom nga timbang.

“You know me, man, I’m a fi ghter. I’ll fi ght anybody. But mainly, [bantamweight] is my territory. So, I’m excited with that one as well, the thought of it,” matod ni Donaire sa interbyu sa boxingscene.com.

Unang nakig-away si Donaire kang Rigondeaux niadtong 2013 sa super bantamweight (122 lbs).

Gitumba man tuod ni Donaire si Rigondeaux sa 10th round apan napilde lang gihapon siya pinaagi sa desisyon gumikan kay nakapundo nang daan og daghang puntos ang Cuban fi ghter.

Apan sa dili pa maghunahuna si Donaire kang Rigondeaux, kinahanglang humanon una niya ang tahas sa pagpakigbatok kang World Boxing Council (WBC) bantamweight king Nordine Oubaali sa France.

Ang away giplanuhan untang ipahigayon niadtong Mayo 16, 2020 apan wala kini nadayon gumikan sa pagkuyanap sa coronavirus disease 2019 (Covid-19).

Sa pagkakaron, wala pa’y tino kon kanus-a mapahigayon ang away ni Donaire batok kang Oubaali nga maoy magsilbe niyang tiket aron ikaharong og balik si Rigindeaux.

“Nothing is really clear at this time. It was for May 16th, and it just went out the window. And, you know, they’re trying to fi gure out what’s going on with boxing." / ESL