GITUMBA ni World Boxing Association (WBA) super bantamweight champion Nonito Donaire Jr. ang iyang sparring partner atol sa ilang sparrng session niadtong Martes una kini milarga paingon sa Tokyo, Japan alang sa iyang dakong tahas.

Sa interbyu sa The Manila Standard, ang amahan ug sa samang higayon trainer ni Donaire nga si Nonito “Dodong” Donaire Sr. nagkanayon nga gitumba ni Donaire si Glenn Medura sa 8th round pinaagi sa body shots.

“Medura was down in the eighth round and it was a good sign. It was not full blast. Tinapunan lang ng body shot,” matod ni Donaire Sr.

Alang kang Donaire Sr., usa kini ka maayong senyales nga andam na ang iyang anak alang sa pagpakigbatok niini kang Japanese superstar Naoya Inoue.

Ang away nila ni Donaire (40-5, 26KOs) ug Inoue (18-0, 16KOs), nga maoy final bout sa World Boxing Super Series bantamweight division, gikatadka karong Nobiyembre 7 sa Super Arena sa Saitama, Japan.

Gawas kang Medura, si Donaire nakig-sparring sab kang World Boxing Council Asia Pacific bantamweight champion Jun Blazo sa UFC gym sa Alabang niadtong Biyernes.

“Maayos ang galaw niya sa sparring lalo na last Friday, nakasampu siya, maganda ang training niya dito mainit ang lugar at hindi siya exhausted,” pasabot ni Donaire Sr.

Gipasabot ni Donaire Sr. nga grabe ka dasig ang iyang anak ning awaya gumikan kay gikonsiderar kini nga underdog. (ESL)