NING adlawa mismo, Disyembre 3, 1996, si Clyde Drexler sa Houston Rockets nahimong ikaupat nga magduduwa sa kasaysayan sa National Basketball Association (NBA) nga nakaabot og 2,000 ka steals.

Si Drexler, kinsa nahilakip sa listahan sa 50 Greatest Players in NBA history, gipili sa Portland Trailblazers isip No.14 overall pick niadtong 1983.

Sa premiro niyang season, igo lang siyang nag-average og 7.7 puntos ug 17.2 playing minutes.

Apan sa sunod nga season, nagbangis na’g sugod si Drexler ug nag-average na kini og 17.2 puntos, 6 rebounds, 5.5 assists ug 2.2 steals hangtod nga nahimo na siyang usa sa superstars sa liga. (ESL)