ANG mga gipamulong ni Eddie “The Underground King” Alvarez maoy nakapadugang sa kalagot ni Eduard “Landslide” Folayang ning pipila na lang ka adlaw sa dili pa ang ilang panagsangka.

Ang duha ka inilang strikers nga nagagikan sa nagkalainlaing dapit ang magtakos ibabaw sa ring isip undercard sa ONE: DAWN OF HEROES karong Agusto 2 sa Mall of Asia Arena sa Manila.

Lab-as pa sa iyang first round nga kapildihan sa mga kamot ni Timofey Nastyukin niadtong Marso, si Alvarez mipasalig nga mobawi sa iyang umaabot nga away.

Apan alang ni Folayang, natural lang sa usa ka fighter nga gikan pa sa kapildihan ang gustong mobawi. Kini sama usab kaniya diin bag-o lang usab nga napildi sa Japan.

“It’s tough to compare the past from the present. He lost, so it’s natural that he really wants to bounce back,” padayag ni Folayang.

“Maybe that’s his way of comforting himself in that defeat. I went through that as well, and of course I wanted to bounce back as quick as possible. Of course I would not let him. I’m the one who’s gonna finish him,” ni Folayang pa. (JBM)