HUMAN sa iyang yanong kadaugan batok kang Ivan ‘El Terrible’ Redkach 23-5-1 (18 KOs) niadtong Dominggo sa Barclays Center sa New York, USA, nagkanayon ang kanhi two-weight world champion Danny ‘Swift’ García 36-2 (21KOs) nga tinguha niyang ikaharong si Filipino boxing icon Manny Pacquiao.

Kon dili niya makuha ang away batok kang Pacquiao, kinsa maoy tag-iya sa World Boxing Association (WBA) welterweight title, matod ni Garcia nga gusto niyang ikaharong si Errol Spence Jr., ang tag-iya sa World Boxing Council (WBC) ug International Boxing Federation (IBF) welterweight titles.

“Either or (Spence or Pacquiao) either of those fights I would like to have. My style looks great with both fighters,” matod ni Garcia sa interbyu sa www.boxingscene.com.

Gipasabot ni Garcia kon unsa ka dako nga away ang posible niyang sagubangon sa sunod niyang tahas hinungdan nga wala siya’y planong mopahuway ug tinguha niyang magpadayon sa pagbansaybansay aron dili mawala ang iyang saktong kondisyon.

“I promised myself that I’m going to stay in the gym now and stay in shape. I felt regular, but then when I got on the scale a few weeks ago, I was like ‘Woah.’ So maybe that played a factor, maybe it didn’t. I make no excuses. I didn’t feel my best, but I felt good,” batbat ni Garcia.

Taodtaod na sab nga nagpadayag si Garcia sa iyang tinguha nga makig-away kang Pacquiao apan hangtod karon, wala pa’y tubag ang Pambansang Kamao kabahin niini. (ESL)