Moasdang ang Gilas Pilipinas sa United States ug Europe sa umaabot aron mosagubang og mini-tournaments isip tipik sa ilang pagpangandam alang sa 2023 FIBA FIBA Basketball World Cup.

Mao kini ang gibutyag ni Samahang Basketbol ng Pilipinas (SBP) president Al Panlilio.

“That’s the plan. Maybe early on, they can start getting together by May,” matod ni Panlilio nga napatik sa Spin.ph.

Ang mga sakop sa Gilas Pilipinas magtapok pagbalik sa sunod buwan inig human sa Philippine Basketball Association (PBA) Commissioner’s Cup.

Gilaumang moapil sa pagpangandam sa Gilas Pilipinas sa umaabot ang Fil-Am star sa National Basketball Association (NBA) nga si Utah Jazz guard Jordan Clarkson.

Ang SBP, nga maoy basketball governing body sa nasod, nagplano sab mo-host og invitational tournaments apil ang ubang World Cup teams.