SUKWAHI sa nag-una nilang mga tahas, ang Gilas Pilipinas wala dayon nakaugbok sa ilang dominasyon apan nakamaneho gihapon kini pagmakmak sa Indonesia, 97-70, sa semi-finals sa 30th Southeast Asian Games (Seag) men’s basketball competitions niadtong Lunes sa gabi, Disyembre 9, 2019 sa Mall of Asia Arena.

Ang Gilas nakasugat pa og saktong kombati gikan sa Indonesians sa first half apan pinaagi sa pagpangulo ni Chris Ross, ningsutoy ang opensa sa Gilas sa 3rd quarter aron dominahon na’g sugod ang kombati.

Ang mga Pinoy nakabalik na sab sa finals diin ilang ikaharong ang Thailand.

Sa press time, padayon pang nagsangka ang Gilas ug Thailand sa finals kagabii.

Puntos matag usa:

Gilas Pilipinas (97) - Standhardinger 14, Wright 13, Manuel 12, Ross 11, Pringle 9, Fajardo 9, Lassiter 7, Rosario 7, Aguilar 6, Slaughter 6, Ravena 2, Tenorio 1.

Indonesia (70) - Kokodiputra 20, Grahita 14, Dhyaksa 11, Jonsi 11, Gemilang 6, Sitorus 4, Oei 2, Kokasih 2. (ESL)