Nakabalik sa finals ang defending champions Brgy. Ginebra Gin Kings human nila gipanghubog ang NLEX Road Warriors, 112-93, kagahapon, Marso 30, 2022 sa Game 4 sa ilang semi-finals series sa Philippine Basketball Association (PBA) Governor’s Cup sa Smart Araneta Coliseum.

Ang kadaugan sa Gin Kings maoy nagtuldok sa best-of-five series, 3-1.

Nagbangis ang residenteng import sa Gin Kings ug gipangulohan niya ang kadaugan pinaagi sa iyang 47 puntos, nidugang og 20 puntos si Jeff Chan samtang niamot og 14 puntos si LA Tenorio.

Sikit pa ang kombati sa 1st half apan pagsugod sa 3rd quarter, ningbulhot na ang opensa sa Gin Kings deretso na paingon sa hingpit nilang kadaugan.