Gipangulohan nila ni Shaun Ildefonso ug Chris Lalata ang top performers sa 2022 PBA Draft Combine at Gatorade Hoops Center sa Mandaluyong City kagahapon, Mayo 11, 2022.

Si Ildefonso, 6’2” forward sa National University ug anak sa two-time MVP sa Philippine Basketball Association (PBA) nga si Danny Ildefonso, maoy nag-una sa agility test diin nahuman niyang ang tahas sulod lang sa 3.46 ka mga segundos.

Talagsaon ang nahimo ni Ildefonso gumikan kay guards man kasagarang modaog sa agility test.

Sa iyang bahin, si Lalata mao ang adunay labing taas nga standing vertical jump diin miabot og 134 inches ang iyang narehistro.

Si Lalata sab ang adunay labing taas nga 3-step jump nga miabot og 134 inches.