ALANG kang kanhi world champion Gerry Penalosa, dili gyud mapugngan si Jimuel Pacquiao, ang kamaguwangan nga anak ni Filipino boxing icon Manny Pacquiao, nga mosunod sa tunob sa iyang amahan.

“Mukhang seryoso talaga,” matod ni Peñalosa, sa dihang gikahinabi sa mga tigbalita didto sa Kaulohan atol sa usa sports forum.

“Hindi daw mapigilan. Kinausap ko si ma’am Jinkee muna, tapos si Senator, e gusto daw talaga. Kako, e kung ganoon, e sige na lang siguro. Karangalan din naman yon,” matod ni Penalosa.

Apan sa dihang giapangutana kon motugot ba usab siya kon ang iyang anak nga si Julio Cesar nga mosulod usab sa natad sa pamoksing, ang two-time world champion igo lang mikatawa ug mipanglingo-lingo ug mipasumbingay nga tingali og mapatyan siya sa iyang asawa. (JBM)