MAS sayong masukod sa batan-ong Pinoy nga higante nga si Kai Sotto ang iyang ikabuga sa Australian basketball gumikan kay mosalmot ang iyang team nga Adelaide 36ers sa National Basketball League (NBL) Blitz, ang labing giatangan nga preseason event sa liga.

Ang NBL Blitz ipahigayon karong Nobiyembre 13-28.

Ikasangka sa 36ers ning maong kompetisyon ang Tasmania JackJumpers, New Zealand Breakers, Brisbane Bullets, Perth Wildcats, ug Cairns Taipans.

Ang Filipino community sa Australia naghinamhinam nang mosuporta kang Sotto sa iyang pagduwa sa NBL.

Sugdan sa 36ers ang ilang kampanya sa regular season karong Disyembre 3, 2021 batok sa JackJumpers.(ESL)