NAHIMONG mayorihiyang atraksyon ang kontrobersyal nga cauldron sa 2019 Southeast Asian Games nga nahimutang atubangan sa Philippine Arena sa Bocaue, Bulacan.

Ang cauldron usa sa mga gidebatihan og maayo sa preparasyon sa nasod isip host sa matag duha ka mga tuig nga kompetisyon gumikan sa kantidad niini nga naglagiting nga P55 million.

Sa usa ka interbyu sa telebisyon, ang cauldron gitawag ni Senator Franklyn Drilon nga usa ka dakong “kaldero.”

Nagkadaiyang mga tawo ang nagkuha og hulagway sa cauldron nga nagsilbeng simbolo sa pag-host sa nasod sa kompetisyon. Ang cauldron gidesinyo ni national artist Francisco ‘Bobby’ Manosa.

“Kailangan makapag-pakuha dito,” matod pa sa usa ka nagpahulagway sa cauldron sa interbyu sa Spin.ph.

“Ito ba yung kaldero ni (Senator) Drilon,” matod sa laing tawo, nga nakapakawat sa mga nakadungog.

Ningkawat og dakong atensyon ang cauldron sa miaging duha ka mga semana human kini gituki ni Drilon sa Senate budget hearing.

Ang Philippine SEA Games Organizing Committee (Phisgoc) midepensa ug miingon nga makiangayon lang ang balor sa cauldron nga ilang giingon nga nagdala sa garbo sa nasod.

Gihulagway ni Phisgoc chairman Allan Peter Cayetano ang cauldron nga usa ka ‘priceless work of art.’ (ESL)