Gipatapsingan sa nanulong nga Dallas Mavericks ang inilog nga Los Angeles Lakers 111-110 nga kadaugan sa Dallas Mavericks batok sa Los Angeles Lakers didto sa Crypto.com arena sa Los Angeles.

Kini human napasulod ni Maxi Kleber ang iyang 3-pointer buzzer beater pinaagi sa assist ni Kyrie Irving, kinsa niiskor og 38 puntos puntos para giyahan ngadto sa kadaugan ang Dallas.

Sa pagpadaplin Luka Doncic gumikan sa injury, si Kleber nakahimo og talagsaong pagkopya sa naangol nga superstar kinsa kadaghan nipilde sa Lakers pinaagi sa unbelievable shots sa miaging katuigan.

Si Kleber unang nakaigo og tulo ka free throws sa nahabiling 7.2 segundos human gi-foul siya ni Anthony Davis pinaagi sa 3-point attempt, ug si Davis nakahimo lang og usa sa duha para sa Los Angeles human ma-foul sa sunod nga inbound pass.

Nakuha sa Dallas ang bola nga gitimonan ni Irving, kinsa gidepensahan og maayo pinaagi double-team ug nakit-an si Kleber alang sa usa ka libre nga 3-pointer nga gibuhian sa wala moserbato ang final buzzer.

Si Irving niiskor og 13 puntos sa ikaupat nga kwarter sa iyang pagbalik og duwa sa Mavs kinsa tulo ka duwa nga palta gumikan sa angol.

Ang Mavs nakalikay nga mahulog ngadto sa three-way nga panagtabla sa Lakers ug sa Timberwolves sa hugot nga lumba para Western Conference standing aron makasulod sa automatic playoffs ug dili na moagi sa play-in tournament.

Si Davis adunay 26 puntos ug 10 ka rebounds alang sa Lakers, kinsa nasipyat og 12 gikan sa ilang 31 ka free throw attempts ug wala na makahimo og field goal sa katapusang 3:16 aron hatagan og paglaom sa playoff ang ilang team.

Ang Los Angeles naglabaw og upat ka puntos ug naangkon ang bola sa katapusang minuto, apan napildi gihapon sa ikatulong higayon sa upat ka duwa.

Si James napalta sa iyang ika-10 nga sunodsunod nga duwa sukad sa kadaugan sa Lakers sa Dallas sa miaging buwan, ug ang Lakers adunay 5-5 nga wala ang NBA career scoring leader ug four-time NBA MVP.

Nasipyat si Doncic sa iyang ikaupat nga sunodsunod nga duwa tungod sa bun-og sa wala nga paa alang sa Mavericks.

Samtang sa pikas nga bahin, gituhak sa Atlanta Hawks ang Golden State Warriors 127-119 nga maoy ika-10 nga sagunson nga pilde sa defending champion.

Gipukan usab sa Philadelphia 76ers ang Charlotte Hornets 121-82, gikuniskunis sa Memphis Grizzlies ang San Antonio Spurs 126-120, gibangkaw sa Cleveland Cavaliers ang Washington Wizards 117-94, gipilde sa Boston Celtics ang Portland Trail Blazers 126-112 ug gisungag sa Chicago Bulls ang Minnesota Timberwolves 139-131. (PAC, AP)