NAPANGLANTAWAN ni Philippine Athletics Track and Field Association president Philip Ella Juico nga tulo o duha ka mga Pinoy athletes sa track and field ang makauban ni pole-vaulter EJ Obiena sa 2020 Tokyo Olympics sunod tuig.

Gitumbok ni Juico mao ang Fil-Am sprinter ug Southeast Asian gold medalist Kristina Knott kinsa iyang gihulagway nga dunay dakong tsansa.

Si Knott mioras og 23.01 seconds nga mibuak sa record sa national og SEA Games nga gipahigayon sa sayong bahin ning buwana didto sa New Clark City sa Capas, Tarlac.

Kini maoy pinakaduol sa Olympic standard time nga 22.80.

Ang laing duha mao nga gituohan ni Juico mao sila si Eric Cray ug William Morrison, kinsa mao usab ang mipatugbabaw sa men’s 400m hurdles ug shot put.

Si Juico ug ang iyang national track and field team maoy usa sa pinakadaghang nakatampo og gold sa nasod sa niaging SEA Games human kini mihagdaw og 11 ka gold, walo ka silver ug walo ka bronze medals, pinakadaghan sa kasaysayan sukad sa 11-11-8 nga ilang nahagpat niadtong panahon pa sa Gintong Alay program sa nasod.

Kini ilang nahimo didto sa Singapore SEA Games. (JBM)