PAKYAS pag-abante sa finals ang Filipino pool legend nga si Efren “Bata” Reyes sa men’s 1-cushion carom (karambola) division sa billiards event sa 30th Southeast Asian Games kagahapon sa Manila Hotel.

Si Reyes, 65, nasugamak sa dakong kapildihan batok kang Dinh Nai Ngo sa Vietnam sa semifinals, 100-14.

Ang gitawag og “The Magician” igo lang nakalabni sa bronze medal.

Sa wala pa nagsugod ang duwa, gipadayag ni Reyes nga buhaton niya ang tanan niyang makaya apan giangkon niyang maglisod na siya batok sa batan-ong mga karambolista.

“Hindi ko na maitaas. Wala na ‘yung magic ko ngayon. Hindi na ko pwede mag-mase, hindi na ako pwede mag-kaliwa, masakit na. Kaya ‘yung mga dating tinitira ko na may magic, wala na. Hindi na gagana,” asoy ni Reyes. (ESL)