Isports

Magsayo moaway bisan kinsa

Sunnexdesk

GIPADAYAG ni highly world-rated Filipino Mark Magsayo nga andam siyang makigharong batok sa bisan kinsa nga world champion sa featherweight division alang sa sunod niyang tahas.

Hinuon, kon siya lang ang matuman, gusto sa gitawag og “Magnifico” nga sangkaon niya si World Boxing Council (WBC) featherweight king American Gary Russell Jr.

Sa kasamtangan, ang lumad nga taga Tagbilaran City, Bohol maoy No. 3 contender sa WBC apan gilauman nga mosaka siya isip mandatory contender human sa iyang makapaukyab nga knockout nga kadaugan batok kang Mexican Julio Ceja sa miaging buwan gumikan kay usa man kini ka WBC elimination match.

Si Magsayo, kinsa adunay 23-0, 16KOs nga rekord, taas sab og ratings sa World Boxing Organization (WBO), International Boxing Federation (IBF) ug World Boxing Association (WBA).

“I want the WBC title, of course,” batbat ni Magsayo sa interbyu sa BoxingScene.com. “If Gary Russell’s not moving up, I want to fight him. If I have an opportunity to fight Gary Russell, then my dream fight would come true.”

Si Russell, 32, kapin na sab sa unom ka mga tuig nga naggunit sa WBC featherweight title nga iyang nasakmit pinaagi sa 4th round TKO nga kadaugan batok kang Mexican Jhonny Gonzalez niadtong 2015.

Apan taliwala sa kataas nga panahon, sulod pa lang sa lima ka mga higayon nga nadepensaan ni Russell ang iyang titulo.

Katapusang niaway si Russell niadto pang Pebrero 2020 diin nadepensaan niya ang iyang titulo batok sa mandatory contender nga si Mogolian Tugstsogt Nyambayar pinaagi sa decision.

Ubay-ubay na sab nga mga eksperto ang nag-ingon nga maglisod si Magsayo batok kang Russell apan alang sa 26 anyos nga Boholano, dako iyang poruhan nga molampos kon madayon ang ilang away. (ESL)

THREAT. According to a Capitol consultant, the Cebu City Government is threatening to shut down the Cebu North Bus Terminal at the back of SM City Cebu (left) and the Cebu South Bus Terminal along N. Bacalso Ave. for operating without a business permit. The Province, which runs both terminals, maintains that it operates the facilities as a public service for passengers going to the province and vice versa. /

CH to Capitol: Explain terminals’ lack of biz permits

3-meter easement violators to receive cease, desist order

LTFRB 7: Fare hike to P40 unlikely

House ethics panel find complaint vs Alvarez sufficient

Marcos to certify amendments to Rice Tariffication Law as urgent