Gibutyag ni Senator Manny Pacquiao nga nagpadala siya og suwat sa White House sa Amerika aron paghangyo nga dalion ang pagpadala og Moderna nga bakuna sa Pilipinas.

“Prangka ako magsalita, sumulat ako dahil medyo nababagalan ako [sa] pag-deliver ng vaccine dito sa atin,” matod ni Pacquiao sa usa ka press conference nga napatik sa www.gmanews.tv.

Mismong si US President Joe Biden ang gipadad-an og suwat sa Pambansang Kamao ng Pilipinas, kinsa nanghinaot nga mahatagan og positibong tubag ang iyang hangyo.

“Siguro naman kilala din ako diyan sa US, Manny Pacquiao. We do our best na makatulong. Baka mapagbigyan tayo na ma-deliver yung vaccine,” dugang sa bugtong 8-division world champion.

Wala pa motubag ang White House sa hangyo ni Pacquiao.

Batbat ni Pacquiao nga nakig-communicate na siyang daan ni Biden pinaagi sa ni Philippine ambassador to the US nga si Jose Romualdez.

Sa iyang suwat, gihangyo ni Pacquiao si Biden nga madali ang pag-deliver og 20 million doses sa Moderna nga bakuna.

“The Philippines is now in dire health crisis because of the recent spike in COVID-19 infections,” tipik sa suwat ni Pacquiao.

“On behalf of all Filipinos and the Filipino-American community, I humbly ask for the generous help of your government to intervene for the early delivery of the Moderna vaccines. For humanitarian reasons, we hope that this matter will merit your prompt attention and action.” (ESL)