Miluwat sa iyang katungdanan isip head coach sa Dallas Mavericks si Rick Carlisle human sa 13 ka mga tuig niyang paggiya sa team sa National Basketball Association (NBA).

Kini maoy iyang gipahibawo usa ka adlaw gikan sa pagkanaog usab sa ilang general manager nga si Donnie Nelson, kinsa nakaserbisyo sa Mavericks sulod sa 24 ka mga tuig.

Una nang gikataho nga adunay kaguliyang nga nahitabo karon sulod sa Mavericks nga maoy gituohan nga hinungdan sa pag-resign nila ni Nelson ug Carlisle, kinsa maoy nakahatag sa bugtong kampiyonato sa Mavericks niadtong 2011.

Matod pa nga adunay power struggle sa organization human nga usa ka kanhi professional gambler ang gikuha sa Dallas alang sa usa ka sensitibong position.

“This was solely my decision,” matod ni Carlisle sa iyang giluwatang pamahayag ngadto sa ESPN.

Ang Dallas maoy ikapitong team nga nagpangita karon og coach. / JBM