MAGSANGKA ang mga retirado ug kanhi Mexican world champions nga sila si Erik “El Terrible” Morales ug Orlando “Siri” Salido karong Dominggo, Marso 27, 2022 (RP time) sa usa ka exhibition bout sa Mesquite Rodeo sa Dallas, Texas.

Si Morales, kinsa nag-edad na og 45, niretiro niadtong 2012 bawon ang 52-9, 36KOs nga rekord.

Nabaniog si Morales sa iyang mga away batok nila ni Filipino boxing legend Manny Pacquiao ug sa iyang kababayang si Marco Antonio Barrera.

Laing dagkong mga away nga nasagubang ni Morales mao ang batok nila ni Marcos Maidana, Danny Garcia, Jesus Chavez, Daniel Zaragoza, In Jin Chi, Paulie Ayalay, ug Wayne McCullough.

Sa iyang bahin, si Salido, kinsa nag-edad na og 41, niretiro niadtong 2017 dala ang 44-14-4, 31KOs nga rekord.