NANINGKAMOT ang Los Angeles Lakers nga mahibalik ang ilang kadasig sa dili sila mopakita’g aksyon sa labing unang higayon gikan sa kamatayon ni basketball legend Kobe Bryant.

Sa wala pa sila nagpraktis kagahapon, ang Lakers nagpainit ug nagduwaduwa una og football sa gawas sa ilang headquarters sa tinguha nga maulian ang ilang espiritu nga tatawng nagluya human sa kamatayon ni Bryant.

“It’s a beautiful day out, and there’s always therapeutic benefits to sunshine and being outside in fresh air,” pasabot ni Lakers coach Frank Vogel.

Ang Lakers moduwa na’g balik karong adlawa sa ilaha mismong balwarte nga Staples Center batok sa Portland Trail Blazers sa pagpadayon sa mga kombati sa National Basketbal Association (NBA).

Mao kini ang labing unang duwa sa Lakers gikan sa kamatayon ni Bryant ug iyang anak nga si Gianna lakip na ang laing pito ka mga tawo nga sakay sa helicopter nga na-crash sa California dili pa lang dugay.

Ang Lakers mopahigayon og pre-game tribute alang kang Bryant ug sa lain pang mga biktima.

“I would imagine it probably makes it a little harder than an ordinary game with all the emotions and that stuff, but we shouldn’t do it any other way,” Vogel dugang ni Vogel.

“It’s the right thing to do, and an important night for our franchise and for Laker Nation.”

Human sa 20 ka mga tuig nga pagduwa, si Bryant, 41, miretiro niadtong 2016 apan bisan pa niini, wala gihapon nawala ang kabantog ni Bryant.

Nagpabiling suod si Bryant sa tag-iya sa team nga si Jeani Buss, kinsa nagpadangat og emosyunal nga mensahe.

“My father loved you like a son, which makes us family,” post ni Buss sa iyang Instagram account.

Ang dugay nang basketball agent ni Bryant nga si Rob Pelinka mihulagway sa gitawag og Black Mamba nga maoy iyang labing suod nga higala.

“For any of us who knew them, there is an irreplaceable void left behind,” mensahe ni Pelinka. “But I am also finding that there is a hope. For now, each new step for me will be full of deep love and prayers, as a heavy sorrow for Vanessa (Bryant and their daughters) Natalia, Bianka, and Capri, and all the families involved, is slowly redeemed into something healed and new.”

Sa laing bahin, gipangbuntog sa defending champions Toronto Raptors ang Cleveland Cavaliers, 115-109.

Sa lain pang mga duwa, ningdaog ang Sacramento Kings batok Los Angeles Clippers, 124-103, Washington Wizards batok Charlotte Hornets, 121-107, Atlanta Hawks baatok Philadelphia 76ers, 127-107, Boston Celtics batok Golden State Warriors, 119-104, ug Denver Nuggets batok Utah Jazz, 106-100. (AP, ESL)