Nahilakip na sa hatagan og prayoridad nga tambalan og bakuna sa Pilipinas batok sa Covid-19 ang mga atleta nga mokombati sa Olympics ug Southeast Asian Games.

Kini human giaprubahan sa House Committee on Youth and Sports Development ang gipasaka nga House Resolution 1507.

Ang resolusyon, nga gipasiugdahan ni Deputy Speaker Michael Romero, nagsugyot sa Inter-Agency Task Force (IATF) nga ilakip ang national athletes nga moduwa sa Tokyo Olympics ug SEA Games sa listahan sa mga hatagan og prayoridad sa Covid-19 vaccination.

Miawhag sab kini nga ilakip sa listahan ang ubang mga sakop sa national team. (ESL)