Mas mosikit pa og suway sa labing una nilang kampyunato ang Denver Nuggets sa ilang pagpakigharong og balik sa host Miami Heat ning Sabado, Mayo 10, 2023, sa alas 8:30 sa buntag (PH time) sa Game 4 sa National Basketball Association (NBA) Finals.

Ang Nuggets – pinangulohan sa makasaysayong duwa nila ni Nikola Jokic ug Jamal Murray – ningkuha og balik sa bintaha sa best-of-seven series, 2-1, pinaagi sa 109-94 nga kadaugan sa Game 3.

Sa Game 3, napatik sa kasaysayan sila si Jokic ug Murray isip labing unang teammates nga parehong nakarehistro og 30-point triple doubles sa usa ka duwa sa finals.

Kining maong kadaugan seguradong nakahatag og dugang kadasig sa Nuggets, nga karon pa nakasulod sa finals.

“It’s a lot of fun. A lot of fun. We’re all having fun,” matod ni Murray. “Trying to solve this puzzle together. We’ve all been dreaming about getting to this stage. We don’t want to take this opportunity for granted, knowing that this is not an everyday thing. It takes a lot of work to be here.”

Giangkon ni Miami Fil-Am coach Erik Spoelstra nga lisod kapugngan sila si Jokic ug Murray apan aduna sila’y nakitang pamaagi aron pag-alkontra sa kapabilidad sa Nuggets isip usa ka puwersa.

“We’re going to come out with a lot more energy,” batbat sa lider sa Heat nga si Jimmy Butler. “We’re going to compete at a high level. We’re going to get one at home.” (AP)