GIKATAKDANG mobalik karong buntag sa Pilipinas si

Filipino boxing icon Manny Pacquiao, kapin sa usa ka semana gikan sa iyang makapakaging nga unanimous decision nga kapildihan batok kang World Boxing Association (WBA) welterweight champion Cuban Yordenis Ugas sa Las Vegas, USA.

Sa taho sa ABS-CBN News, mipirma una og autographs ug nagpakuha og mga hulagway ang Pambansang Kamao ng Pilipinas sulod sa Los Angeles International Airport kagahapon (RP time) una kini misakay sa Philippine Airlines flight 103.

Gipadayag ni Pacquiao ang iyang pasalamat ngadto sa iyang mga sumosunod nga padayong nagsuporta kaniya taliwala sa iyang kapildihan.

Hinuon tak-om ang ngabil sa fighting senator kabahin sa iyang mga plano sa umaabot isip usa ka boksidor ug kabahin sa pulititika diin gituohang molansar siya isip presidente sa eleksyon sa Pilipinas karong Mayo, 2022.

Gipasabot ni Pacquiao nga mopahuway una siya sa dili pa siya mopagawas og pinal nga desisyon. / ESL