GIPABUHAGAY sa kampo ni Manny Pacquiao nga 95% na nga andam ang Filipino boxing icon alang sa pagpakigbatok niini kang American world champion Errol Spence Jr. karong Agusto 22, 2021 (RP time) sa T-Mobile Arena sa Las Vegas.

Nagkanayon si conditioning coach Justine Fortune nga maayo ang dagan sa preparasyon sa Pambansang Kamao ng Pilipinas ug nagsubay kini sa saktong agianan alang sa tinguha niini nga mailog ang World Boxing Council ug International Boxing Federation welterweight titles gikan kang Spence.

Nakaseguro na man tuod siya og luna sa listahan sa boxing all-time greats apan gustong ipamatuod ni Pacquiao nga taliwala sa iyang pangidaron nga 42, aduna gihapon siya’y ikabuga batok sa batan-on ug dekalidad nga boksidor nga sama ni Spence.

Gipasabot ni Fortune nga sa sunod semana, hayan mokalma na og sugod ang training ni Pacquiao.

“I’ll try to rest him over two or three days before the fight. Then he’s good to go,” asoy ni Fortune nga napatik sa rappler.com. (ESL)