MIPAGAWAS og panahom ang beteranong boxing promoter nga si Top Rank boss Bob Arum kabahin sa away nila ni Filipino Manny Pacquiao ug American Keith Thurman karong Hulyo 20 sa MGM Grand Garden sa Las Vegas, USA.

Sa tan-aw ni Arum mas dako og poruhan nga modaog si Thurman ning awaya sukwahi sa pagtuo sa kadaghanan.

“Manny Pacquiao is 40-years-old, and when you get to that age, you’re not the same fighter as you were 30-years-old, early 30s or mid-30s,” matod ni Arum sa interbyu sa Boxing Talk.

“Pacquiao, he fought so many fights for us [Top Rank Boxing]; he’s always been a gutty guy, but he’s not the biggest guy in the world.”

Giangkon ni Arum nga bisan midaog si Thurman sa miagi niining away batok kang Joselito Lopez pinaagi sa desisyon, dili impresibo ang gipakita niini.

Gipasabot ni Arum nga gikan sa duha ka mga tuig nga pagpahuway si Thurman una siya nakig-away kang Lopez hinungdan nga natay-an na sab gyud ang abilidad niini.

“I think Thurman is going to benefit from the fight that he had [against Josesito Lopez on January 26]. He was off two years. He didn’t look too good with Lopez, but I think he’s much better than that,” dugang ni Arum.

“If Thurman fights the way he had been, then I don’t think Pacquiao will have much of a chance.”

Si Pacquiao, kinsa adunay 61-7-2, 39KOs nga rekord, maoy naggunit sa World Boxing Association (WBA) welterweight regular belt samtang si Thurman, kinsa adunay 29-0, 22KOs nga rekord, maoy nanag-iya sa ‘world super” niini. (ESL)