MIDOMINAR sa TV ratings ang panag-away nila ni Manny Pacquiao ug Lucas Matthysse niadtong Dominggo sa Kuala Lumpur, Malaysia nga gipasalida sa free TV sa Pilipinas pinaagi sa GMA 7.

Sa gipagawas nga rating sa kasaligang Nielsen TV Audience Measurement, ang GMA Network dako og labaw batok sa mga kompetensya niini atol sa oras sa away.

Ang away mirehistro og 49.2 percent sa GMA 7 kumpara sa ABS-CBN nga mitali lang og 30.7 percent.

Ning maong away, daw mibalik ang pagkabatan-on ni Pacquiao sa iyang pagposte og impresibong 7th round TKO aron ilugon ang WBA welterweight title gikan sa mga kamot ni Matthysse. (ESL)