MASALIGON ang mismong amahan ni American boxing legend Floyd Mayweather Jr. nga mahitabo ang panag-engkuwentro og balik sa iyang anak ug Filipino boxing icon Manny Pacquiao sa ugma damlag.

“I’m pretty sure that they gonna fight,” matod ni Mayweather Sr. sa interbyu sa TMZ Sports. “If Pacquiao says he wants to fight, I’m pretty sure they’re gonna fight again.”

Ang Pambansang Kamao ng Pilipinas taodtaod na sab nga mipadayag sa iyang tinguha nga makig-away og balik kang Mayweather Jr. aron aduna siya’y kahigayunan nga makabawos sa unanimous decision nga kapildihan nga iyang nasinati sa premirong away niadtong 2015. Apan ang retiradong si Mayweather Jr. mitataw nga wala na siya’y interes nga moaway og balik. (ESL)