MAKIGKUMBATI si Pambansang Kamao Manny Pacquiao batok sa way pilde nga Amerikanong si Mikey Garcia karong Hulyo o Agusto para sa non-title bout didto sa Dubai.

Si Pacquiao nibalik na sa iyang seryuso ug hugot pagbansaybansay sugod niadtong Lunes human sa pila ka semana nga wa niya kini mabuhat tungod sa iyang trabaho isip senador.

Ang iyang long-time assistant trainer nga si Nonoy Neri nikompirmar niini niadtong Biyernes nga si Pacquiao, kinsa 42 anyos na, mo-focus sa iyang gipaspason tungod kay mas bata ang iyang kontra nga si Garcia kinsa nag-edad pa og 33.

“They are of the same height and Garcia isn’t fast like [Keith] Thurman. So we need to unleash Manny’s speed,” matod ni Neri.

Iyang gipadayag nga si Garcia kay “less of a threat than the unbeaten Terence Crawford (37-0 win-loss record with 28 knockouts)” nga kinsa mao untay makigbatok kang Pacquiao.

Matod ni Neri nga bisan sa pila ka semana nga wala pagtraining, sakto gihapon sa pamorma si Pacquiao tungod kay nagduwa sad kini og basketball sa General Santos City.

Apan iyang gipadayag nga di sila mokumpyansa ni Garcia kinsa usa ka kanhi International Boxing Federation welterweight champion.

“But I know the senator’s work ethics. He doesn’t relax against any opponent,” dugang ni Neri.

Ang usa ka chief trainer ni Pacquiao nga si Buboy Fernandez naa sad General Santos duha na ka semana ang nilabay.

Usa ka karaang higala ni Pacquiao nga si Jayke Joson, kinsa nitabang sad sa iyang mga programa batok Covid-19, niingon nga ang mga Filipino ang anaa sa utok sa boxing icon inig kombati niini kontra ni Garcia.

“Everybody knows Manny. He will surely train hard for this fight. He fights for the people,” paghulagway ni Joson. (PAC)