Mobalik og away si Filipino boxing legend Manny Pacquiao aron kontrahon ang bag-ong sikat nga welterweight fighter sa United Kingdom nga si Conor Benn.

Mismong si MP Promotions President Sean Gibbons ang nibutyag niini sa ESPN.

Sa inisyal nga plano, ipahigayon ang away karong Hunyo 3, 2023 sa Abu Dhabi, UAE.

Kon di madayon ang away, nagplano si Benn nga makigsangka ni Kell Brook o Chris Eubank Jr.

Si Pacquiao, kinsa maoy bugtong 8-division world champion, niretiro human sa iyang unanimous decision nga kapildihan batok kang Cuban Yordenis Ugas niadtong Agusto, 2021.

Tataw nga rason sa pagretiro ni Pacquiao mao ang iyang pagdagan isip presidente sa Pilipinas.

“He retired for a minute to run for President of the Philippines, where he took a respectful third place,” matod ni Gibbons.

“And after that he felt that his retirement was due to running for president, and now that [he wasn’t elected], he wants to fight again and feels like he can do it at the highest level.”

Si Pacquiao, 44, adunay 62-8-2, 39 KOs nga rekord samtang si Benn, 26, naggunit og 21-0, 14KOs nga baraha. / ESL