HUMAN sila nakalangkat og upat ka gold medals sa 14th IDBF World Dragonboat Racing Championship sa Thailand, ang Philippine Accessible Disability Service Inc. (Pads) Dragonboat Adaptive Racing Team padayong makig-ayuda sa Southwestern University (SWU-Phinma) alang sa pagpalambo sa dragonboat dinhi sa Sugbo.

Ang Pads mibalik sa Sugbo niadtong Miyerkules, Agusto 28, 2019 isip world champions human sa ilang malampusong kampanya sa Pattaya, Thailand.

Ang team nag-courtesy call sa SWU-Phinma, nga maoyt naghan-ay sa ilang strength ug conditioning program.

Nagkanayon si Pads founder ug executive director John Paul Maunes nga daw sa dili gihapon siya makatuo sa nakab-ot nilang kalampusan.

“It hasn’t sunk in. The team was created to be just a recreation program. All we wanted was to involve PWDs in sports,” matod ni Maunes.

Ang team mopahuway lang og kadiyot dayon mobalik na kini sa ilang pagpangandam.

Ang sunod nga tahas sa Pads mao ang Club Crew Championship nga ipahigayon sa France sa sunod tuig.

Apan sa dili pa sila motutok sa ilang kampanya sa Francs, ang Pads aduna una’y pagabuhaton sa dragonboat sa Sugbog kaabag ang SWU-Phinma.

“What we’ve seen in Thailand was there were paddlers in different age groups. The plan now is not just the Club Crew Championships, but Pads will also reach out to students in different schools. We’re looking to visit different schools for the program,” matod ni SWU-Phinma official Dr. Lohindren Adorable.

Si Adorable mikuyog sa Pads sa Thailand isip strength ug conditioning head coach.

Nagkanayon si team captain Arnold Balais nga ang ilang nakat-unan sa ilang pagsalmot sa Thailand event ilahang magamit alang sa sunod nilang tahas.

Sa Thailand, ang Pads nakakuha og gold medals sa

Isip representante sa Philippine Paradragon Elite team, ang Pads nakahakot og gold medals sa 200-meter small boat PD-1 Open, 200m small boat PD-2 Open, 500m small boat PD-1 Open ug 500 small boat PD-2 Open. (RSC, ESL)