Isports

Pagara gikuhang sparmate sa kanhi kontra ni Pacquiao

Sunnexdesk

GIKUHA si Jason Pagara isip sparring partner sa kanhi kontra ni boxing legend Manny Pacquiao nga si Jessie Vargas alang sa umaabot nga away niini batok kang Mikey Garcia karong Pebrero 29, 2020 sa The Ford Center sa Frisco, Texas.

Si Pagara, kinsa kanhi ALA fighter, nakig-sparring kang Vargas sulod sa unom ka rounds kagahapon sa Center Ring Boxing gym sa Las Vegas.

Nagkanayon si Pagara nga sa iyang tan-aw, maayo ang dagan sa ilang sparring session ug daghan siyang nakat-unan gikan kang Vargas.

Si Vargas, 30, kinsa lumad nga taga Las Vegas, usa ka two-division world champion ug aduna kini rekord nga 29-2-2, 11KOs.

Nakig-away si Vargas kang Pacquiao niadtong 2016 diin napilde siya pinaagi sa unanimous decision.

Sa pagtuo ni Pagara, adunay matumba sa panagharong nila ni Vargas ug Garcia.

Si Pagara namasin sab nga makabalik og away human kini natanggong sulod sa usa ka tuig ug pito ka mga buwan.

Kasamtangan siyang nag-training sa Bones Adams Boxing Gym sa Las Vegas.

Si Pagara, kinsa adunay 41-3-1, 26KOs nga rekord, katapusang miaway niadtong Hunyo 9, 2018 diin mirehistro kini’g 3rd round knockout nga kadaugan batok kang Indonesian Wellem Reyk sa Maasin City. / EKA, ESL

CEBU. Cebu City Mayor Mike Rama.

Rama: Let LGUs set up own water district

Deforestation in Cebu City ‘continues’

Pagasa: It will be a hot CVIRAA week

Over 4K megawatts to boost power supply in 2024

Study shows 'degrading state' of marine life in PH’s Sandy Cay