Moabot ngadto sa 66 ka mga magduduwa ang mangindahay nga makasulod sa Philippine Basketball Association (PBA) atol sa ipahigayong PBA Season 47 Rookie Draft sa Robinsons Place Manila karong adlawa, Mayo 15, 2022.

Apan wala ang prospective top selection nga si Sedrick Barefield, kinsa wala maapil sa 66 ka players nga maoy pilian sa 12 ka PBA teams.

Sa 66 ka PBA hopeful, 12 kanila Fil-foreigners, kinsa pulos mga eligible sa annual draft selection aron kab-uton ang ilang mga damgo ug makaduwa sa labing unang professional league sa Asya.

Gawas kang Barefield, wala sab si Justine Baltazar ug gumikan niini, ang Gilas Pilipinas Men’s 3x3 player nga si Brandon Gabuelas Rosser ang nahabilin nga top talent, diin ang Blackwater maoy moangkon sa number 1 selection overall.

Naa sab sa lista silang Jeremiah Gray, Justin Arana, Encho Serrano, Javi Gomez de Liano ug Jeo Ambohot nga adunay potential alang sa first round.