MOSUBAY na sab sa laing coronavirus disease 2019 (Covd-19) testing ang tanang teams sa Philippine Basketball Association (PBA) alang sa ilang tinguha nga makabalik og praktis sa sunod semana.

Ning maong lakang, si Commissioner Willie Marcial makigtambayayong ni Barangay Ginebra team governor Alfrancis Chua, kinsa mitanyag nga puwedeng magamit ang mga pasilidad sa San Miguel Corp. headquarters aron pahigayunan sa testing.

“Baka by next week, ite-test kasi kailangan ma-test muna lahat bago kami nagsimula ng practice. Tina-target ko pa rin, July 22. Sana by July 22, na-test na, makapagsimula tayo ng practices natin,” batbat ni Marcial nga napatik sa pba.ph.

Niadtong Hulyo 3, 2020, ang Inter-Agency Task Force (IATF) mitugot na sa PBA nga makasugod og praktis apan kinahanglang magsubay kini sa estriktong health protocols. (ESL)