TEMPORARYONG gipangsuspenso sa Philippine Basketball Association (PBA) ang ilang mga duwa sugod Miyerkules, Agusto 4.

Kining maong desisyon nakab-ot aron pagsunod sa mga protocol human nga ang National Capital Region (NCR) gipaubos sa General Community Quarantine diin gipahugtan ug gidugangan ang mga restriction gikan sa Hulyo 30 ngadto na sa Agusto 5. Ipaubos sa ECQ ang NCR sugod Agosto 6 hangtud Agosto 20, 2021.

Ang nagpadayon nga Philippine Cup kasamtangang gipahigayon sa Ynares Sports Arena sa Pasig City.

Karon nga ang NCR ideklarar na ubos sa Enhanced Community Quarantine sugod Agusto 6, ang PBA nakig-sabotsabot na karon sa local government unit sa Batangas aron adto temporaryong ibalhin ang mga duwa sa Lipa.

Hinuon wa pay nakab-ot nga kasabutan hangtod ning pagsulat. (JBM)