MI-TAPOUT sa labing higayon ang kanhi UFC lightweight champion nga si BJ Penn sa iyang 17 ka mga tuig sa kalibutan sa mixed martial arts.

Nahitabo kini sa UFC 232 diin nasugamak si Penn sa 1st round nga kapildihan batok kang Ryan Hall kagahapon sa Inglewood, California.

Si Penn mi-tapout dayon human nabiktima sa leglock ni Hall, kinsa usa ka Brazilian jiu-jitsu specialist.

Sa kapildihan, si Penn, kinsa usa ka Hall of Famer, nasugamak sa 16-13-2 nga rekord. Wala siya nakatilaw og daog sa milabay niyang pito ka mga away gikan niadtong 2010.

Gikonsiderar si Penn kaniadto nga greatest pound-for-pound fighter sa kasaysayan sa MMA.

Apan ang Hawaiian-born star nag-edad na og 40 niini lang buwana. ESL