PAKYAS ang Pinoy nga boksidor nga si Mark Bernaldez sa pagsundog sa kalampusan sa kababayang si Mike Plania sa pagbalik sa boksing sa Las Vegas taliwala ning padayon nga hulga sa coronavirus disease 2019 (Covid-19).

Si Barnaldez nasugamak sa unanimous decision nga kapildihan batok sa mas taas nga si American ‘Prince’ Albert Bell kagahapon (RP time) sa MGM Grand sa Top Rank ‘Live Boxing is Back’ event.

Gipahimuslan ni Bell ang iyang 6’0” nga gitas-on aron dominahon ang 5’6” nga si Bernaldez sa ilang 10-round bout.

Si Bell misaka sa 17-0, 5KOs nga rekord samtang si Bernaldez natagak sa 20-4, 14KOs nga baraha. (ESL)