BASKETBALL:

Tuburan 5 1

Barili 5 1

Balamban 4 1

Toledo City 2 3

Aloguinsan 1 4

Asturias 1 4

Pinamungajan 1 5

Volleyball:

Balamban 5 0

Tuburan 4 2

Pinamungajan 3 3

Barili 2 4

Aloguinsan 2 3

Toledo City 3 2

Asturias 0 5

Gidabo-dabohan sa Toledo City ang Pinamungajan ang Pinamungajan, 86-68, samtang wa usay kaluoy nga milubong ang Tuburan sa host Asturias, 115-96, sa nagpadayon nga Congressman PJ Cup basketball ang volleyball tournament nga gipahigayon niadtong Dominggo sa Asturias Sports Complex.

Si Alejandro Madrid, kapitan sa Barangay Carmen, mipuga og 38 puntos aron pangulohan ang Toledo aron irehistro ang ilang ikaduhang daog sulod sa lima ka duwa.

Sa samang higayon, ang kadaugan naghatag og paglaom sa Toledonians nga makakapyot sa ikaupat nga puwesto sa semifinals round.

Ang Pinamungajan sa ilang bahin, mitidlom sa ilawom nga dapit nga may lima na ka pildi ug usa ka daog.

Samtang ang Tuburan nga gipangulohan ni Bonifacio Branzuela, kapitan sa San Juan, mipasolido sa ilang paghupot sa liderato, 5-1.

Sama sa Pinamungajan, ang Asturias miunlod usab ngadto sa 1-4 nga baraha.

Sa volleyball, nagpabiling limpiyo ang record sa Balamban, 5-0, human nila mapukan ang higpit nga karibal nga Tuburan, 2-0, niadtong Sabado didto sa Balamban Sports Complex.

Hinuon ang Tuburan maoy nagsunod sa standing, 4-2.

Niadtong Dominggo sa Asturias Sports Complex, ang Toledo mipasaka usab sa ilang standing, 3-2, human nila mabuntog ang Pinamungajan, 2-0.

Gipildi usab sa Tuburan ang Asturias, 2-0. (JBM)