ARON makasugakod ang mga magduduwa sa Philippine Basketball Association (PBA) sa kalaay sulod sa Clark bubble sa Angeles, Pampanga, ang liga magtukod og dugang mga kalingawan nga magamit sa mga magduduwa sa panahon nga wala kini duwa o training.

Ang PBA nakatakdang mobalik karong Oktubre 9, 2020 pinaagi sa bubble concept nga ipahigayon sa Clark City sama sa gibuhat sa National Basketball Association (NBA).

“Imagine being together for two months doing nothing but stay in the hotel. What’s the reason we chose Clark is (because of) the facilities that they can offer,” pasabot ni Board chairman Ricky Vargas.

Gawas sa mga pasilidad sa kalingawan nga naa nang daan sa Clark City, matod ni Commissioner Willie Marcial nga maghan-ay pa sila og dugang kalingawan alang sa mga magduduwa.

“Puwede silang mag-golf, puwedeng mga water sports. Balak din naming maglagay ng screen para puwedeng makapanood sila sa gabi,” asoy ni Marcial.

“Maglalagay din kami ng bilyaran, table tennis, tsaka kung ano pa ang puwede.” (ESL)