POSIBLING minusan sa Los Angeles Lakers ang playing time ni LeBron James human nga ila nang gidawat nga maglisod na sila pagsulod sa NBA playoffs.

Sa kasamtangan, ang Lakers nahimutang sa ika-10 nga luna sa Western Conference nga may 30-35 nga baraha,

Si Chris Haynes sa Yahoo Sports sa iyang taho nagkanayon nga nakadeside ang Lakers niini aron pagpreserbar sa panglawas ni James sa sunod nga season.

Aduna na lay 17 ka duwa ang Lakers, tulo niini nagsunosunod.

“I was told, now that the Lakers are almost out of playoff contention, that there was a conversation had between LeBron James’ trainer and the front office. And they came to the conclusion that moving forward, LeBron James will play somewhere [between] 28 to 32 minutes [a game]," matod ni Haynes.

Sa niaging adlaw, naapsan ni James ang record ni Jordan isip ikaupat sa All-time scoring list sa NBA, apan sa maong duwa nakaangkon gihapon sila og kapildihan batok sa Denver Nuggets.

Kini mao unya ang unanag higayon nga dili makataak sa playoffs si James sukad niadtong 2015. (JBM)