MASALIGON ang presidente sa Toronto Raptors ng si Masai Ujiri nga magpabilin si Kawhi Leonard ug ang core group sa team sa sunod season aron pagbira og laing titulo.

“We’re on to the next issue, which for us is coming back and being champions again,” matod ni Ujiri sa iyang unang press conference kagahapon sukad nalangkat sa Raptors ang ilang unang kampiyonato sa NBA, duha ka semana ang nakalabay..

“We want to experience this moment here again and again and again.”

Si Leonard mamahimo nang free agent sunod buwan, apan ang Toronto mahimo pang maka-offer kaniya og lima ka tuig nga kontrata nga mokantidad og $190 milion nga mas dako pa sa ubang team nga gustong mokuha usab sa iyang serbisyo.

“I know what we’ve built here,” dugang ni Ujiri. “I’m confident, and you see how these things go.”

Sa laing kalambuan, giilisan ni Fil-Am guard Jordan Clarkson sa Cleveland Cavaliers ang iyang agent. Gikuha karon ni Jordan si Rich Paul nga mao nay opisyal nga mag-represent kaniya.

Sa niagi, ang Octagon Basketball ni Omar Wilkes maoy nag-manage sa basketball career ni Clarkson kinsa mamahimo nang free agent sa sunod tuig. (JBM)