MAKIGHIMAMAT si Gilas Pilipinas coach Chot Reyes kang Philippine Basketball Association (PBA) commissioner Willie Marcial inig human sa February window sa FIBA World Cup Asian qualifiers aron ihan-ay ang eskedyul sa national team sa 2023 competition.

Gipasabot ni Reyes nga giplantsa na niya ang eskedyul sa Gilas Pilipinas paingon sa 2023 FIBA World Cup ug kinahanglan na lang kini niyang ipakita ni Marcial aron makapangandam sab ang PBA.

“Alam na natin lahat ng sasalihang tournament, lahat ng competition. And, we’re doing a lot of things. There’s a lot of things going on at the same time,” matod ni Reyes nga napatik sa www.abs-cbnnews.com.

Ang qualifiers ipahigayon karong Pebrero 24-28 sa Araneta Coliseum diin ikaharong sa Gilas ang higpit niining karibal nga South Korea, India ug New Zealand.

Isip usa sa mga host, ang Gilas naka-qualify nang daan alang sa 2023 World Cup apan kinahanglan gihapon nila ang qualifiers isip tipik sa ilang pagpangandam.

“Nag-usap na kami ni commissioner Willie Marcial, na right after the window, first week of March, uupo kami. Paplanuhin, paplantsahin na namin, how the PBA can help,” batbat ni Reyes.