ADTO sa Diriyah, Saudi Arabia ipahigayon ang rematch nila ni Anthony Joshua ug Andy Ruiz karong Disyembre 7.

Kini maoy gipabuhagay sa promoter ni Joshua, ang British fighter kinsa gustong makuha og balik ang mga titulo sa heavyweight division sa International Boxing Federation (IBF), World Boxing Association (WBO) ug World Boxing Organization (WBO) sa dihang napildi siya ni Ruiz niadtong Hunyo 1 didto sa Madison Square Garden sa New York.

Si Ruiz, miinsister nga ang rematch adto gihapon sa US o kaha sa neutral nga dapit.

Kini maoy laing dakong boxing promotion sa nasod sunod sa away nila ni Amir Khan ug Billy Dib sa Australia niadtong Hulyo 12 didto sa Jeddah. Si Khan midaog sa maong away.

Ang Saudi Arabia mi-host usab sa World Boxing Super Series super middleweight final tali sa mga British fighters nga sila si Callum Smith ug George Groves sa niaging tuig. (JBM)