PAKYAS ang Pinoy’ng si Vic Saludar sa pagdepensa sa iyang World Boxing Organization (WBO) minimumweight title human siya gilupig ni Puerto Rican Wilfredo Mendez pinaagi sa unanimous decision sa ilang away kagahapon sa Puerto Rico.

Ang tulo ka judges pulos ningpadaog kang Mendez, 117-110, 115-112 ug 116-111.

Si Mendez misaka sa 14-1, 5KOs nga rekord samtang si Saludar nidakin-as sa 19-4, 10KOs nga baraha.

Sa kadaugan, si Mendez nahimo nga bugtong world champion sa Puerto Rico sa kasamtangan.

Agresibo man tuod si Saludar sa kinatibuk-ang away apan nalupig kini sa pinuntosay sa maidlas nga si Mendez.

Matod ni Mendez sa www.boxingscene.com nga mao kini ang katumanan sa iyang pangandoy. (ESL)