Anaa na man tuod si National Basketball Association (NBA) Fil-Am star Jordan Clarkson apan padayon ang Samahang Basketbol ng Pilipinas (SBP) sa pagpangita og potensyal nga mahimong naturalized players alang sa 2023 FIBA Basketball World Cup.

Nagkanayon si SBP president Al Panlilio nga bisan mipasalig nang daan si Clarkson nga moduwa sa World Cup, kinahanglan gihapon sila mangita og laing naturalized player.

“Jordan has committed six weeks before the World Cup that he’ll make himself available. Hopefully, the pieces come together and we do form the best competitive team as a country,” pasabot ni Panlilio nga napatik sa www.abs-cbnnews.com.

Gipasabot ni Panlilio nga kinahanglan kini nilang buhaton gumikan kay dili sa tanang higayon nga puwedeng makaduwa sa Gilas si Clarkson, kinsa usa sa mga sinaligan sa Utah Jazz sa NBA.

“We’re also looking at others, because Jordan will not be available for all windows,” dugang ni Panlilio.

“As you know, other countries have their own naturalized players and in fact, they get them naturalized easier.”