NAGKINAHANGLAN og tulo ka tabla si Wesley So nga igo na kaayong nakakompleto sa iyang kadaugan sa rapid play sa Paris leg Grand Chess Tour niadtong Sabado.

Ang 24 anyos nga garbo sa Bacoor, Cavite nga karon nagrepresentar na sa US Chess Federation, miposte og 12 points sa siyam ka duwa aron mapakgang ang hagit ni Hiraku Nakamura ug Sergey Karjakin sa maong event nga naghatag lang sa matag player og 25 minutos diin adunay 10- segundos lang ang mogintang matag move.

Naglabaw human sa six rounds, si So nakigsabotsabot na lang sa iyang kaubang nga si Nakamura, sa Russian nga si Karjakin ug kanhi world champion nga si Viswanathan Anan aron makuha ang first place sa maong rapid event of Your Next Move 2018 sa Belgium sayo ning buwana.

Si So maoy mipatugbabaw sa Team USA board 1 sa Round 1, sa Round 3, Round 4 ug Round 5. Natabla ang iyang pagpakigsangka ni Anand nga milungtad og 50 ka moves. (JBM)