PADAYONG naghulma og solidong puwersa ang Blackwater Bossing alang sa ilang kaugmaon sa Philippine Basketball Association (PBA).

Kagahapon, Pebrero 7, 2022, gipapirma na sa Bossing og kontrata ang usa sa mga sakop sa PBA Gilas special draft niadtong 2019 lakip na si Richard Escoto.

Gikompirmar kini ni team manager Johnson Martinez nga ang duha ka mga magduduwa parehong mipirma og duha ka mga tuig nga kontrata.

Sa iyang pagkapili isip No. 2 pick sa Gilas PBA special draft, si Suerte niserbisyo una sa nasod pinaagi sa pagduwa sa Gilas Pilipinas.

Ang produkto sa University of the Visayas (UV) Green Lancers nakadesisyon nga moduwa na sa PBA human napupos ang iyang kontrata sa Gilas Pilipinas ning bag-uhay lang.