MINNEAPOLIS - World Boxing Association (WBA) interim Featherweight champion Jhack “El Capitan” Tepora nagtinguha nga sagunson ang iyang kadaugan batok sa laing Mexican ug former two-division world champion ug challenger Hugo “Cuatito” Ruiz isip undercard sa Manny Pacquiao vs. Adrien Broner karong Enero 19 sa MGM Grand.

Si Tepora gikuyogan sa iyang mga igsuon ug sa samang higayon mga boxing trainers nga sila si Jerald “Jingjing” ug Christopher “Pingping” Tepora Jr padulong sa Las Vegas, Nevada.

“Duha na ka buwan nga nag training si Jhack kuyog among maguwang nga head trainer (Jingjing) pero magpadayon mi og training sa US para pa-reduce sa timbang niya,” pulong ni Pingping.

Si Jhack, 25 anyos, 5’6", walhon (22-0, 17KO) nagdaku sa Sitio Tiwasan, Barangay Catarman, Liloan, Cebu modepensa sa bakus batok Los Mochis, Sinaloa native Ruiz, 30, 5’9", orthodox (38-4, 33KO).

Si Jhack gikan mi TKO sa ninth round ni Mexican Edivaldo Ortega aron niadtong Hulyo 15 sa Kuala Lumpur, Malaysia isip undercard usab kaniadto sa Pacquiao vs Lucas Matthysse.

Samtang si Ruiz, human nahukasan sa WBC 118-lb. belt batok Japanese Hozumi Hasegawa niadtong September 16, 2016 nilaylo sa 2017 apan nilansang sa duha ka kadaugan sa 2018 pinaagi sa unanimous decision batok Dennis Contreras niadtong Agosto 11 ug technical knockout batok Jesus Garcia niadtong Nobyembre 17.

“Dili lang mi mo kumpyansa sa sayo nga round kay beterano si Ruiz busa among plano ari namo sudlon magkataas na nga mga rounds, ang left uppercut ug right hook ang pambato ani ni Jhack gawas nga isog ug maayo mobasa siya sa kontra” dugang ni Pingping.