GIPUGNIT sa Tulay 1 ang ilang ikaupat nga kadaugan pinaagi sa pagpukan sa Calajo-an 1, 106-92, sa 2019 Minglanilla Mayor’s Cup Summer League 21-under basketball tournament nga gipahigayon sa Minglanilla Sports Complex niadtong Sabado sa gabii.

Si Elizalde Abella mipakli og 22 puntos, midugang og 19 puntos so Tristan Cabrera alang sa Tulay 1 kinsa mirehistro na og 4-1 nga baraha nga sa samang higayon nagduot sa Calajoan ngadto sa 2-1 nga baraha.

Sa 17-under category, gilubong sa Vito I ang Ward 2, 80-58.

Ubos sa pagpangulo sa 17 puntos ni John Loyd Colin, ang Vito I mipakita sa ilang saktong dominasyon alang sa ikaduhang daog sa ikatulo nga duwa samtang pabiling wa pay daog ang Ward 2 sa lima ka duwa. Midugang og 16 puntos si Dale Pantenial.

Sa laing duwa, mipakatap og 25 puntos si Mark Caparas, 17 ug 16 puntos ang nadugang nila ni Rico Puerto ug Clyde Anabeza aron ituboy ang Calajoan 1 sa makutas nga kadaugan, 109-104, batok sa Tunghaan 2 sa Open Category.

Ang kadaugan nagbaliwala sa 40 puntos nga nahipos Ronald Abastas sa Calajoan 1 nga may 2-1 nga baraha.

Ang Calajoan mitali na og 2-3 nga baraha. (JBM)